हराएकी नावालिका प्रहरीद्वारा अभिभावकको जिम्मा
२९ फागनु, काठमाडौँ ।
भोटेबहालस्थित रहेको बोडिङ स्कुलमा कक्षा ५ मा अध्ययनरत नावालिका घर फर्कने क्रममा हराएकोमा प्रहरीद्वारा खोजतलास गर्दा चन्द्रागिरीबाट फेला पारी अभिभावकको जिम्मा लगाइएको छ ।
मिति २०७८।११।२७ गते काठमाडौ जिल्ला काठमाडौ महानगरपालिका वडा नं. २३ भोटेबहाल लगनस्थित रहेको भएको बोडिङ स्कुलमा कक्षा ५ मा अध्ययनरत नाबालिकाहरू दिपिका श्रेष्ठ र श्रीलेखा सामन्त स्कुलबाट घर नआई सम्पर्कबिहिन भएकोले खोजतलास गरी पाऊँ भनी निज नाबालिकाहरुको अभिभावकले मितिको १७ः२० बजेको समयमा महानगरीय प्रहरी बृत्त, जनसेवा काठमाण्डौमा जानकारी गराएका थिए ।
तत्कालै उक्त कार्यालयबाट प्रहरी नायव उपरीक्षकसमेतको प्रहरी टोली निज नाबालिका द्वयको खोजी कार्यमा परिचालित भएको । साथै मेट्रो कन्ट्रोल कक्षमार्फत काठमाण्डौस्थित सम्पूर्ण प्रहरी कार्यालयहरु र बाहिर जानसक्ने सम्पूर्ण नाकाहरुमा तस्बिरसहित कडा चेकजाँचको ब्यवस्था मिलार्इ मितिको २०ः०० बजेको समयमा महानगरीय प्रहरी बृत्त थानकोटबाट परिचालित प्रहरी टोलीद्वारा निज नाबालिकाहरुलाई का.जि. थानकोटस्थित चन्द्रागिरी जाने सडकखण्डमा फेला पारी उक्त कार्यालयमा लगी खानासमेत खुवाइएको प्रहरीले जनाएको छ ।
सोही समयमा निजहरुको अभिभावकहरु दीपक श्रेष्ठ र सुदिप सामन्तसँग सम्पर्क स्थापित गराउँदा आफ्नो हराएका छोरीहरु हुन भनी भनेकाले महानगरीय प्रहरी बृत्त जनसेवाबाट खटिएको प्रहरी टोलीले अभिभावकहरुलाई सँग साथ लिई थानकोट गई नाबालिकाद्वयलाई थानकोटबाट जनसेवा ल्याई अं. २१ः५५ बजे अभिभावकको जिम्मा लगाइएको छ।
घटनाको सम्बन्धमा महानगरीय प्रहरी बृत्त जनसेवाबाट थप अनुसन्धान भई रहेको छ।