११ बैशाख, काठमाडौँ महिला प्रतिनिधित्व पनि बीरगंज महानगरपालिकाको प्रमुख वा उप प्रमुख तथा वडा अध्यक्क्ष तथा सदस्यमा हुनु पर्दछ भन्ने माग राख्दै आज विभिन्न पार्टीका व्यक्तित्वहरुको उपस्थितिमा पार्टीका नेतागणलाई दबाव दिन आज घन्टाघर देखि जुलुस बीरगंजमा प्रर्दशन गरेका छन । बिभिन्न राजनीतिक दलमा आबद्ध महिला नेता तथा र कार्यकर्ताहरुले वीरगन्जमा शनिबार विरोध जुलुश निकालेरै प्रदर्शन गरे। घण्टाघरबाट सुरु भएको विरोध जुलुश नगरभित्र परिक्रमापछि पुनः घण्टाघर चोकमैं आएर कोणसभामा परिणत भएको थियो। प्रदर्शनका सहभागीहरूले ुमहिलाको सहभागिता सुनिश्चित गर, गठबन्धनको नाममा संविधान मिच्न पाइँदैन, गठबन्धनको नाममा महिलाको अधिकार खोस्न पाइँदैनु जस्ता नारा लगाएका थिए। ‘महिलालाई कुनै पनि पदमा उम्मेदवार नबनाउँदा यसले संविधानप्रदत महिलको हक अधिकार मिचिएको छ,’ कोणसभालाई सम्बोधन गर्दै काँग्रेस नेतृत्व डा। सुष्मा द्विवेदीले भनिन्, ‘चुनावी गठबन्धनमा मेयर र उपमेयर दुवै पदमा पुरुष उम्मेदवारको नाम अगाडि सारिएकोले महिलामाथि अन्याय भइरहेको छ।’ मेयरको टिकट नपाउने भएपछि उपमेयरमा भएपनि पुरुष नेताहरु आफ्नो नाम पठाउन तछारमछार गरेको देख्दा दुःख लागेको उनको भनाई छ। ‘महिलाहरुको हक अधिकारको लागि मञ्चहरुमा ठूलाठूला भाषण दिने पुरुषहरु नत घरको महिलालाई अवसर दिन्छन् नत घर बाहिरको महिलाको ३३ प्रतिशत सहभागी सुनिश्चित हुन दिन्छन्,’ उनले भनिन्, ‘स्थानीय चुनाव र पितृसत्तात्मक सोच र व्यवहार अझ उजागर भएर आएको छ, ५० प्रतिशतभन्दा बढीको जनसंख्यालाई पाखा लगाउने र महिलालाई बाध्यकारी अवस्थामा मात्र अवसर दिने यस्तो प्रवृत्तिको सबैले मिलेर विरोध गर्नु पर्दछ।’ महिला प्रतिनिधित्व पालिकाको प्रमुख वा उपप्रमुख तथा वडा अध्यक्ष तथा सदस्यमा हुनुपर्दछ भन्ने माग राख्दै दबाब दिन प्रदर्शनमा उत्रिनु परेको लोकतान्त्रिक समाजवादी पार्टी कि नेता रम्भा मिश्राले बताइन्। पर्साका पालिकाहरुमा अहिले हरेक दलले महिला वडा सदस्य बाहेक कुनै पनि पदमा महिलालाई उम्मेदवार नबनाउने चलखेल गरिरहेको महिला नेताहरुले दावी गरे। वीरगन्ज महानगरपालिकाकी नगर उपप्रमुख शान्ति कार्की, मुन्नी श्रीवास्तव, रुपा श्रेष्ठ, गुड्डु जोशी, उत्तमा प्याकुरेल लगायतका महिला नेताहरु सहभागी थिए।