ठूला दललाई चुनावमा हराउनुपर्छः राप्रपा
१८ बैशाख, काठमाडौँ ।
राष्ट्रिय प्रजातन्त्र पार्टीका नेताहरूले वैशाख ३० गते हुने स्थानीय निकायको निर्वाचनमा नेपाली कांग्रेस, नेकपा एमाले, नेकपा एकीकृत माओवादी लगायतका ठूला दलहरूलाई भोट नदिन उनीहरूले आग्रह गरेका छन्। राष्टिय प्रजातन्त्र पार्टी जिल्ला समिति भक्तपुरले शनिबार भक्तपुरमा पत्रकार सम्मेलन गरी कांग्रेस धोकेबाज पार्टी भएको बताए। त्यस्ता धोकेबाजलाई मत नदिएर सजाय दिनुपर्ने नेताहरूले बताए। यी ठूला पार्टीहरूले देशका लागि केही पनि गर्न नसकेकाले यीबाहेकका पार्टीहरूलाई वैकल्पिक शक्तिका रूपमा अगाडि ल्याउनुपर्ने बताएका छन्।
पत्रकार सम्मेलनमा राप्रपा केन्द्रीय सदस्य दिनेश श्रेष्ठले सो सहमति कार्यान्वयनका लागि जिल्ला र केन्द्रीय तहमासमेत छलफल भएको बताए। तर पनि सहमति कार्यान्वयन हुन नसकेको उनले बताए। सहमति कार्यान्वयन गर्न जिल्ला तह नै भागेको उनले बताए। उनले ती सहमतिहरूलाई राप्रपाले अक्षरस पालना भएको तर कांग्रेसले सबै बुँदाहरू पालना नगरेको समेत बताए।
उनले चाँगुनारायण नगरपालिकामा राप्रपाले सहयोग नगरेको भए तत्कालीन समयमा कांग्रेसका भडेल जित्नै नसक्ने निश्चित भएको बताए। यसअघिको प्रदेश सभाको निर्वाचनमा उक्त क्षेत्रमा एमालले जित हासिल गरेको थियो। तर एमालेबाट विजयी हासिल गरेका हरिशरण लामिछानेको मृत्यु भएपछि उक्त क्षेत्रमा कांग्रेसका कृष्णलाल भँडेलले जितेका थिए। भँंडेल जित्नुको एउटै मात्रै कारण नै आफूहरूले मत दिनु रहेको उनीहरूले बताए।
पत्रकार सम्मेलनमा राप्रपा पार्टी भक्तपुरका जिल्ला अध्यक्ष रामशरण लामिछानेले राप्रपाले कांग्रेसलाई गरेको ऋणको व्याजसहित ऋण तिर्नुपर्ने बेलामा दिएको धोखाले कांग्रेसलाई नै हानी पुग्ने बताए। नेपाली काँग्रेसले दिएको धोखाले मूल्य चुकाउनुपर्ने पनि उलले बताए। कार्यक्रममा राप्रपाका सहमहामन्त्री एवं चाँगुनारायण नगरपालिकाका मेयरका उम्मेदवार रवीन्द्रप्रताप शाहले काँग्रेसको नियतमा खोट रहेको बताउँदै कांग्रेसले धोखा दिए पनि जनताले भने सहयोग गर्ने बताए।
उनले सो सहमति पार्टीले भंग गरेकोले कांग्रेस कार्यकता र समर्थकहरूलाई सहमति पत्र देखाएर धोका दिने काग्रेसलाई मत नदिएर सहयोग गर्न आग्रह गर्ने बताए। सहमति भंग गरेर राप्रपालाई नभई कांग्रेसलाई नै घाटा हुने ठोकुवा उनले गरे।