२८ वैशाख, काठमाडौँ । प्राज्ञिक विद्यार्थी परिषद्ले नेपालले देशभर पर्यवेक्षक परिचालन गरेको छ । वैशाख ३० गते हुन गईरहेको स्थानीय निर्वाचन २०७९ को अवसरमा प्राज्ञिक विद्यार्थी परिषद् नेपालले सयौंको संख्यामा देशको ५० वटा भन्दा बढी जिल्लाहरूमा चुनावी पर्यवेक्षक परिचालन गरेको छ । मौन अवधि सुरू भएसँगै राजनीति दलहरूले निर्वाचनको आचार संहिता पालना गरे नगरेको निगरानी र अनुगमन गर्ने , एक स्वतन्त्र नागरिकको रूपमा मतदातालाई जागरुक गर्ने र निर्वाचन आयोगको कार्यलाई सहजिकरण र सहयोग गर्ने उदेश्यका साथ देश भर निर्वाचन पर्यवेक्षक परिचालन गरिएको परिषद्ले जनाएको छ । देशको ७७ वटै जिल्लाका कलेज तथा विश्वविद्यालयहरूमा रचनात्मक कार्यक्रमहरू संचालन गर्दै आइरहेको विद्यार्थी परिषद्ले स्थानीय चुनावको मिति घोषणा गरे सँगै एक महिना अगाडिदेखि मतदाता जागरण अभियान पनि संचालन गर्दै आईरहेको छ । परिषद्ले ू हाम्रो मान्छे होइन राम्रो मान्छेलाई मतदान गरौूँ , मेरो भोट मोरो अधिकार (सक्षम र इमानदार व्यत्तिलाई मतदानू, मेरो भोट न पार्टिलाई न साथिलाई (मात्र सक्षम र इमानदार नेतालाई , भोट हाल्नु जिम्मेवार नागरिकको कर्तव्य हो ( म त भोट हाल्दै छु तपाईं निरु जस्ता विभिन्न नाराहरू बनाएर सामाजिक संजाल र आधुनिक प्रविधि मार्फत स्थानीय निर्वाचन २०७९ को जागरण गरी रहेको छ । निर्वाचनको मौन अवधि सुरू भए सँगै आफ्नो स्थानीय स्तरम निर्वाचन आयोगले परिचालन गरेको पर्यवेक्षकहरूले राजनीतिक दलहरूले आयोगद्वारा जारी गरिएको निर्वाचन आचार संहिता पालना गरे नगरेको अनुगमन गर्ने र सोही अनुसार तत् तत् क्षेत्रका निर्वाचन अधिकारीलाई सुचित गराउने साथै चुनाव सकिए पश्चात् निर्वाचन अवधिमा देखिएको अवस्था र घटनाहरूको बारेमा रिपोर्ट बनाएर चुनावमा पर्यवेक्षकको रूपमा घटिएका पर्यवेक्षकहरूले १५ दिन भित्र बुझाउनु पर्ने हुन्छ । त्यसैको लागि निर्वाचन आयोगले यश बर्ष ६७ वटा संस्थालाई चुनावको पर्यवेक्षकको लागि अनुमती प्रदान गरिएको छ ।