असार १६, काठमाडौँ । साना लगानी तथा स्वरोजगारमूखी विभिन्न छापा माध्यममा प्रकाशित लोक कल्याणकारी विज्ञापन बापतको रकम भुक्तानी गराउन माग गरेका छन् । विहिवार काठमाडौँ स्थित अनामनगर बसेको पत्रकार तथा प्रकाशकहरुको बैठकले गत वर्षको साउनदेखि हालसम्म रकम विना शर्त तुरुन्त उपलब्ध गराउनुपर्ने माग सहित सूचना तथा सञ्चार मन्त्रालय मातहत रहेको विज्ञापन बोर्डलाई ध्यानाकर्षण गरेको छ । आफुहरुले प्रकाशित विज्ञापनको रकमका लागि विल लिएर पटक–पटक कार्यालय जादाँ पनि विभिन्न बाहना गरी रकम रोकेर राखिएको भन्दै विज्ञापन बोर्डसंग असुन्तुष्ट बनेका छन् ।  साना लगानी तथा स्वरोजगारमूखी मिडियालाई जोगाउन न्यायका लागि विभिन्न चरणको आन्दोलनको तयारीबारे छलफलमा जुटेका छन् । नेपाल पत्रकार महासंघका केन्द्रीय सचिव गोविन्द चौलागाईको नेतृत्वमा बसेको बैठकमा विभिन्न सञ्चार माध्यमले मापदण्डका आधारमा पाउँदै आएको सुविधा समेत कटौती गर्न खोजिएको भन्दै लोककल्याणकारी विज्ञापन प्रकाशित गरे बापत पाउनुपर्ने रकम भुक्तानी विना शर्त उपलब्ध गराउन विज्ञापन बोर्डलाई आग्रह गरेको छ । छलफलमा विज्ञापन बोर्डका अध्यक्षको कामप्रति समेत प्रश्न उठेको छ । पत्रकारिता क्षेत्रबाटै आएका बोर्डका अध्यक्ष लक्ष्मण हुमागाईंले पत्रकारहरुकै समस्यामाथी अंकुश लगाउन खोजिएको आरोप छ । उनले सूचना तथा सञ्चार मन्त्रालयबाट प्राप्त निर्देशन तथा नीतिगत कार्य गराउन आलटाल गरेको र सूचना लुकाउन खोजिएकोले सञ्चार माध्यमहरु त्यसतर्फ ध्यान आर्कर्षित हुन वैठकले निश्कर्ष निकालेको छ । साना लगानी तथा स्वरोजगारमूखी सञ्चारमाध्यमलाई थप प्रर्वद्धन गराउनुको सट्टा अपहेलनाको दृष्टिकोणबाट हेरेको भन्दै व्यवसायिक मुद्धमा एक ढिक्का भएर लाग्न सञ्चार माध्यम तथा पत्रकारहरुलाई आग्रह गरेको छ । प्रकाशित विज्ञापनको रकम भुक्तानीको माग गर्न विज्ञापन बोर्डसंग वार्ताका लागि नेपाल पत्रकार महासंघका सचिव गोविन्द चौलागाईको नेतृत्वमा पत्रकारहरु राजिव सिलवाल, भिम लामा, नवराज न्यौपाने, पदमराज जोशी लगायतको टोली शुक्रबार जाने भएको छ । वार्ता नमिले शुक्रबार नै विज्ञापन बोर्ड र सञ्चार मन्त्रालयमा धर्ना बस्ने निर्णय भएको छ ।