६ साउन, काठमाडौँ । प्राज्ञिक विद्यार्थी परिषद् नेपालको प्रथम राष्ट्रिय परिषद् बैठक देवघाट धाममा प्रारम्भ भएको छ । विद्यार्थी परिषद्को सांगठनिक कार्य र प्रशासनिक कार्यलाई प्रभावकारी र पार्दर्शी ढंगबाट सञ्चालन गर्ने र आगामी अभ्यास वर्गहरूको विशेष योजना तय गर्ने ध्येयका साथ साउन ६ र ७ गते तनहुँको देवघाट धाममा रहेको परमान्नद संस्कृति गुरुकुलमा सञ्चालन भएको परिषद्का महासचिव छितराज न्यौपानेले बताएका छन् । बैठकको उद्घाटन सत्रमा परमान्नद संस्कृति गुरूकुलका प्राचार्य स्वामी शुभाव चैतन्यज्युले शुभकामना मनतव्य राख्दै नेपाल अरूको देशमा मजदुरी गर्ने जाने भूमि नभएर विश्वलाई ज्ञान, धर्म र संस्कार बाँडन र सिकाउने गुरुहरूको भूमि भएको र त्यही दिशामा सम्पूर्ण युवाहरू हिडनु पर्ने बताउनु भयो , उहाँले हामी देव र ज्ञान भूमिमा जन्मेर आज मजदुरी गर्न विश्वभर जानू भनेको अत्यन्तै दुखद कुरो भएको व्यत्त गर्नु भयो । साथै उहाँले पाश्चात्यहरू यहाँ आएर हाम्रा देविदेवताहरूको अपमान गर्ने, हाम्रो भाषा , धर्म , संस्कृति र सभ्यतालाई मास्न निरन्तर लागि परिरहेकोले यश विषयमा पनि सचेत भएर अगाडि बढनु पर्ने भन्दै विद्यार्थी परिषद्को दुई दिने बैठकको सफलताको लागि शुभकामना प्रदान गर्नु भएको थियोे । परमान्द संस्कृत गुरुकुलका प्रचार्य शुभाव चैतन्यज्यू, संघका राष्ट्रिय प्रचारक वेद प्रकाशज्यू, परिषद् अध्यक्ष गोपीनाथ कण्डेलज्यू, महासचिव छितराज न्यौपाने र संगठन सचिव नारायण प्रसाद ढकालज्यूले सयुत्त रूपमा उद्घाटन गर्नु भएको प्रथम राष्ट्रिय परिषद् बैठकमा एक दिवसिय अभ्यसा वर्ग, आवासीय अभ्यास वर्ग मिति, लक्ष्य , विषयविन्दु, तथा प्रवास योजना , सदस्यता अभियानको लक्ष्य , प्रदेश छात्रा सम्मेलको योजना, कार्यालय कोष तथा बार्षिक आयव्यय विवरण एवम् लेखापरीक्षण , विविध आयाम एवं गतिविधिहरू , संकल्प ,निरामय, छात्रा कार्य , जनजाति कार्य , विश्वविद्यालय कार्य, सेवा र विकासका लागि युवा, द्वैमासिक पत्रिका (स्टुडेन्टस् कन्सेप्टस्) केन्द्रीय कार्यकारिणी समिति बैठकको मिति र स्थानको बिषयहरू माथि विशेष छलफल पश्चात् आगामी निर्णयहरू तय गर्ने विद्यार्थी परिषद्ले जनाएको छ ।