माघ १४, काठमाडौं । मेरुदण्डीय पक्षघात समुह नेपालले आयोजना गरेको चौथो गोकर्णेश्वर नगरस्तरीय चौथो ह्विलचियर दौड प्रतियोगिता सम्पन्न भएको छ । राष्ट्रिय सहिद दिवस २०८० को उपलक्ष्यमा शनिवार गोकर्णेश्वर नगरपालिका ४ स्थित माकलबारीमा ह्विलचियर दौड प्रतियोगिता आयोजना भएको थियो । माकलबारी बसपार्कबाट पाँचपोखरी स्कुल सम्म करिब १ कि.मि. लामो ह्विलचियर दौड प्रतियोगिताको उद्घाटन प्रमुख अतिथी तथा नगर प्रमुख दिपक रिसालले रिबन काटेर र सिठी बजाएर गर्नु भएको थियो । कार्यक्रमको अध्यक्षता संस्थाका अध्यक्ष ऋषिराम ढकालले गर्नु भएको थियो । कार्यक्रममा गोकर्णेश्वर नगरपालिका युवा तथा खेलकुद उपशाखा प्रमुख राम नारायण साह, नगर युवा तथा खेलकुद विकास समितिका संयोजक सञ्जय लामा, एसआइआरसीका मेडिकल डाइरेक्टर तथा मेरुदण्डीय पक्षघात समूह नेपालको सल्लाहकार डा.राजु ढकाल, बि आइ ए फाउण्डेसनका सचिव श्री ङवाङ् छिरि शेर्पा, मेरुदण्डीय पक्षघात समूह नेपालको सल्लाहकार अशोक मानन्धर, राष्ट्रिय सहिद पार्कका अध्यक्ष सुदर्सन सिग्देल लगायतको आतिथ्यता रहेको थियो । दौडमा विजयीहरुलाई राष्ट्रिय सहिद दिवसको अवसरमा माघ १६ गते पुरस्कार वितरण गरिनेछ । प्रतियोगितामा पुरुष तर्फ रमेश खत्री र महिलातर्फ ऐश्वर्य कुमारी कुमाल प्रथम भएका छन् । प्रतियोगितामा पुरुष तर्फ रामकाजी मिजार, सन्त्तोष कार्कि क्रमशः द्वितीय र तृतीय भएका छन् भने महिलातर्फ पेमा गुरुङ द्वितीय र सिर्जना सार्की तृतीय भएका थिए । प्रतियोगितामा ४८ जना पुरुष र २१ जना महिला समेत ६९ जना ह्वीलचियर प्रयोगकर्ताले भाग लिएका थिए ।