१९ भाद्र, काठमाडौं । बौद्ध स्तूपको किंवदन्तीमा आधारित रहेर बाल चित्रकथा ‘बौद्ध स्तूप’ प्रकाशनमा आएको छ । नेपालको सामाजिक सांस्कृतिक इतिहासबारे बालबालिकाहरुलाई बोध गराउनको लागि कथालय नेपालले सो पुस्तक प्रकाशनमा ल्याएको हो । 

कथालय इन्क प्रा.लिद्वारा प्रकाशित पुस्तकका लेखक भिक्टर प्रधान हुनुहुन्छ । यस पुस्तकमा रवीन्द्र मानन्धरको चित्र समावेश छन् । यस चित्रकथामा बौद्ध स्तुपको निर्माण इतिहास समेटेको छ । 

लामो समयदेखि बालसाहित्यको विकासका लागि अनुसन्धान, लेखन र अनुवाद कार्यमा सक्रिय रहनुभएको पुस्तकका लेखक प्रधान नेपाल बालसाहित्य समाजका पूर्व अध्यक्ष हुनुहुन्छ । उहाँ बौद्ध दर्शन र इतिहासका अध्येता पनि हुनुहुन्छ । 

उहाँको पहिलो रचना ‘बौद्ध दर्शन र प्रजातन्त्र’ शीर्षकमा २०३१ सालमा प्रकाशित भएको थियो ।