फागुन १३, काठमाडौं । विदेशबाट फर्किएका युवाहरूलाई कृषि क्षेत्रमा आकर्षण गर्ने उद्देश्यले र व्यवसायिक कृषिका लागी सहुलियत पूर्ण कृषि कर्जा दिने हेतुले हाम्रो नयाँ कृषि सहकारी संस्था काठमाडौँको नक्सालमा आजबाट सुभारम्भ गरिएको छ । ७७ वटै जिल्लामा आफ्नो कार्यलाई पु¥याउने उदेश्यले सञ्चालन गरिएको हाम्रो कृषि सहकारी संस्थाले लगनशीलता, दृढता र पारदर्शितालाई मुलमन्त्र मानेर कार्य गर्ने बताएको छ । हाम्रो नयाँ कृषि सहकारी संस्था लि.को संस्थापक अध्यक्ष पूर्व मन्त्री शक्ति बहादुर बस्नेतले अबको कार्य क्षेत्र भनेको कृषिको कार्य भएको र यस क्षेत्रमा सकृयताका साथ लाग्नका लागि आग्रह गरेका गरेका थिए । कृषि क्षेत्रलाई व्यापकता बनाउनु पर्ने, संस्थाको लक्ष्य उद्देश्य पुरा गर्नका लागि कटिवद्ध भएर अग्रसर हुन पर्ने सांसद नवराज सिलवालले बताएका छन् । कार्यक्रममा पूर्वमन्त्री सत्या पहाडी एन आर एनका अध्यक्ष कुमार पन्त, संसद रमेश सिलवाल, पुर्व मन्त्री शक्ति बहादुर बस्नेत लगायत हाम्रो नयाँ कृषि सहकारी संस्थाका सम्पूर्ण पदाधिकारी र सेयर सदस्यहरूको उपस्थिति रहेको थियो । सहकारीका अध्यक्ष सूर्य बहादुर गुरुङ्गले हामी जन्मदेखि नै कृषि गरेर नै हुर्किएका र सामूहिक सरकारी गर्न सिकेका अनुभव रहेको बताउदै अध्यक्ष गुरुङ्गले कार्यक्रमको समापन गरेका थिए ।