काठमाडौं, भदौ । बिहिबार ललितपुरको एकान्तकुनास्थित अभियानको केन्द्रीय कार्यालय सँगै हिन्दू राष्ट्र स्वाभिमान जागरण अभियानको उद्घाटन कार्यक्रमलाई सम्बोधन गर्दै स्वामी केशवानन्दज्यूले हिन्दूहरू आफ्नो स्वाभिमान आफैंले जोगाउन एक हुनु पर्ने कुरामा जोड दिनु भएको छ । नेपाली सेनाका पूर्व प्रधान सेनापती रूक्माङ्गद कटवालको संयोजकत्वमा सुरू हुन लागेको हिन्दु राष्ट्र स्वाभिमान जागरण अभियानको उद्घाटन कार्यक्रमलाई सम्बोधन गर्दै राष्ट्रिय गुरुकुल शिक्षाण परिषद्का उपाध्यक्ष स्वामी केशवानन्दले ‘हिन्दू राष्ट्रको हाम्रो सङ्कल्पना’ विषयमा बौल्दै हिन्दू धर्मले सबै प्रकारका उपासना पद्धति अपनाउन स्वतन्त्रता दिएकोमा जोड दिंदै नेपालमा विधर्मीको प्रभाव बढ्दै जाँदा हिन्दुहरू माथी अनेक समस्या बढीरहेको ले । हिन्दूहरूले आफ्नो स्वाभिमान आफैंले जगाउन सबै हिन्दुहरू एक भएर अगाडी बढ्नु आवश्यक भएकोले यस अभियानमा सबैलाई जोडिन आवहान समेत गर्नु भएको छ । साथै उहाँले यो अभियानले नेपालमा पुनः हिन्दु राष्ट्र स्थापना गर्नको लागि महत्पूर्ण भूमिका खेल्ने भएकोले यस अभियानमा आफ्नो पूर्ण साथ हरने कुरा व्यक्त गर्नु भएको थियो । त्यसैगरी कार्यक्रमलाई सम्बोधन गर्दै शान्तिधामका मठाधीश स्वामी चतुर्भुजाचार्यजी महाराजले आफ्नो धर्म संस्कृतिको स्वत्वलाई जीवनमा कायम गरे मात्र राष्ट्रले आफ्नो सही चिनारी दिन सक्ने बताए । उनले विश्वका सबै सभ्यताका विविध आयामहरु वैदिक सभ्यताकै देन भएको दावि गरे ।