फोनिज काठमाडौँ शाखाको भेला सम्पन्न
फागुन १९, काठमाडौँ । नेपाल आदिवासी जनजाति पत्रकार महासंघ (फोनिज) काठमाडौँ जिल्ला शाखाको भेला सम्पन्न भएको छ ।
शुक्रवार सञ्चार केन्द्रको सभा हलमा काठमाडौँ शाखा अध्यक्ष शैलेश डंगोलको अध्यक्षतामा भएको सो भेला तथा सुझाव संकलन कार्यक्रममा फोनिज बागमति प्रदेश समितिका सचिव राजु नापित, काठमाडौँ जिल्ला शाखा समितिका निवर्तमान अध्यक्ष राज्यलक्ष्मी शाक्यले धारणा राखेका थिए ।
फोनिज केन्द्रीय कार्य समितिको परिपत्रअनुसार नीति तथा विधान सम्मेलनका लागि जिल्ला शाखाले भेलाको आयोजना गरेको हो । वक्तहरुले फोनिजलाई सुदृढीकरण, फोनिजकर्मीहरुको हकहित, पेसागत सुरक्षा, सदस्यतामा व्यवस्थापन र अभिमूखीकरणलाई थप व्यवस्थित बनाउनुपर्नेमा जोड दिएको छ । राज्यलक्ष्मी शाक्यले आदिवासी जनजाति पत्रकारहरुको सक्रियतालाई बढाउन पत्रकार पुर्नताजकी आवश्यक रहेको बताईन् । शाक्यले काठमाडौँमै संघीय समिति पनि रहने भएकाले जिल्लाले गरेको गतिविधिमा समन्वयको भूमिकामा बढि ध्यान पु¥याउनुपर्ने बताईन् । बागमति प्रदेश समितिका सचिव राजु नापितले प्रदेशअन्तरगतका जिल्लाहरुले प्रदेशमै सुझाव बुझाउनुपर्ने बताए ।
त्यस्तै जिल्ला कार्य समितिका सदस्य भीम लामाले जिल्ला शाखालाई कार्य सम्पादन गर्न सहज वातावरण निर्माण गर्न आग्रह गरे । उनले सदस्यता वितरण, सदस्यता परिचयपत्र तथा सदस्यता शुल्कबारे जिल्ला शाखालाई नै अधिकार प्रदान गर्नुपर्ने सुझाव दिए । फोनिज मातहतका जातिय पत्रकार संगठनहरुलाई एकीकृत बनाई जिल्लाको कार्य सम्पादन गर्नुपर्ने बताउँदै नेपाल पत्रकार महासंघको सदस्यताका लागि फोनिजकै सिफारिसमा सदस्यता प्राप्त हुने व्यवस्था गराउन माग गरे ।
जिल्ला शाखाका अध्यक्ष शैलेश डंगोलले काठमाडौँबाट सदस्यता प्राप्त गर्नेहरुलाई परिचयपत्र वितरण गर्न नपाउँदा कार्य सम्पादनमा समेत कठिनाई भएको बताए । अधिवेशनबाट निर्वाचित कार्यसमितिका पदाधिकारीले कार्यकाल सकिनु अगाडि नै राजीनामा दिएमा सदस्यतामा नरहने व्यवस्था लागु गर्न माग गरे । भेलामा किराँत राई पत्रकार संघ, नेवा पत्रकार संघ र विभिन्न सञ्चार क्षेत्रमा आवद्ध जनजाति पत्रकारहरुको उपस्थिति रहेको थियो ।