पुष ९, काठमाडौं । गोकर्णेश्वर-२ पाखाथोक स्थित श्री भिमदेव आधारभूत विद्यालयको ४२ औं वार्षिकोत्सव तथा अविभावक दिवस सम्पन्न भएको छ । आइतवार वडा अध्यक्ष तथा विव्यस अध्यक्ष मधु तामाङको सभापतित्व तथा गोनपाका नगर प्रमुख दिपक रिसालको प्रमुख आतिथ्यतामा ४२ औं वार्षिकोत्सव तथा अविभावक दिवस सम्पन्न भएको थियो । गोकर्णेश्वर २ मा शिक्षाको विकासमा महत्वपूर्ण भूमिका रहेको श्री भिमदेव आधारभूत विद्यालयको उद्घाटन नगर प्रमुख दिपक रिसालले गर्नु भएको थियो । कार्यक्रममा स्वागत मन्तव्य विद्यालय व्यवस्थापन समिति सदस्य रवि कुमार पण्डितले राख्नु भएको थियो । कार्यक्रममा वडा सदस्यहरु सुनिल गिरी, कृष्णहरी श्रेष्ठ, सरस्वती सुनार, माया तामाङ, प्रधानाध्यापक सीता माया योञ्जन, विव्यस सदस्य रवि कुमार पण्डित, पूर्व विव्यस अध्यक्ष श्रीकृष्ण ज्योती, श्वेतवाराही बहुउदेश्यीय सहकारीका अध्यक्ष सुरज कुमार पण्डित, नगरपालिकाको शिक्षा, युवा तथा खेलकुद शाखाका अधिकृत सरिता शर्मा, समाजसेवी सुरज कुमार पण्डित, विव्यस सदस्य गायत्री कुमारी कुशवाह लगायतको आतिथ्यता रहेको थियो । कार्यक्रमलाई सम्वोधन गर्नु हुँदै नगर प्रमुख रिसालले विद्यालयलाई शैक्षिक रुपमा सुविधासम्पन्न बनाउन सहयोग गर्न नगरपालिका तयार रहेको प्रतिबद्धता व्यक्त गर्नु भयो । वडा अध्यक्ष तथा विव्यस अध्यक्ष मधु तामाङले विद्यालयले भौतिक पूर्वाधारमा धेरै प्रगति गरेकोले आगामी दिनमा गुणस्तरीय शिक्षाका लागि ध्यान दिन आवश्यक रहेको बताउनु हुँदै त्यसका लागि सहयोग, समन्वय गरी वडाले निरन्तर सहयोग गर्ने बताउनु भयो । आवश्यक पूर्व विव्यस अध्यक्ष श्रीकृष्ण ज्योती, श्वेतवाराही बहुउदेश्यीय सहकारीका अध्यक्ष सुरज कुमार पण्डित, शिक्षा, युवा तथा खेलकुद शाखाका अधिकृत सरिता शर्माले सम्बोधन गर्नु भएको थियो । कार्यक्रम सञ्चालन शिक्षक बालकृष्ण भण्डारीले गर्नु भएको थियो । कार्यक्रममा पढाइमा उत्कृष्ठ नतिजा ल्याउने विद्यार्थीहरुलाई पुरस्कार वितरण गरिएको थियो भनें बालबालिकाले सांस्कृतिक नृत्य प्रस्तुत गरेका थिए ।