गोकर्णेश्वर युवा उपकार क्लबको ३४ औं वार्षिक उत्सव सम्पन्न
पुष २२, काठमाडौं । काठमाडौं पूर्वि क्षेत्रको अग्रणी क्लव ‘गोकर्णेश्वर युवा उपकार क्लब’ले आफ्नो ३४ औं बार्षिक उत्सव सम्पन्न गरेको छ । सामाजिक सेवा हेतु वि सं २०४६ सालमा काठमाडौंको गोकर्णेश्वरमा स्थापित गोकर्णेश्वर युवा उपकार क्लवले शनिवार एक कार्यक्रमको आयोजना गरि संस्थाको ३४ औं बर्ष उत्सव मनाएको हो ।
क्लवका पदाधिकारी,सल्लाहकार तथा सदस्यहरुको उपस्थितीमा क्लबले आफ्नो ३४ औं बार्षिक उत्सव मनाएको थियो ।
आज भन्दा ३४ बर्ष पहिले अर्थात २०४६ सालमा मंगल दास श्रेष्ठको नेतृत्वमा स्थापित गोकर्णेश्वर युवा उपकार क्लवले तत्कालिन समय देखी नै गोकर्णेश्वर क्षेत्रको सामाजिक विकासमा महत्वपूर्ण भूमिका निर्वाह गर्दै आएको छ । गोकर्णेश्वर क्षेत्रमा पहिलो पटक रक्तदान कार्यक्रमको सुरुवात समेत यसै क्लवले गरेको हो । सो समय देखी हाल सम्म सामाजिक रुपान्तरण सहितको सेवा प्रदान गर्दै आएको क्लव स्थापनाको ३ दशक लामो यात्रामा शिक्षा, स्वास्थ्य लगायत क्षेत्र साथै विपतकालिन अवस्थाका समय मानविय सेवामा क्रियाशिल रहंदै आएको छ ।
गोकर्णेश्वर युवा उपकार क्लवका पदाधिकारीहरुले आफ्नो ३४ औं बार्षिक उत्सव कार्यक्रम सफल बनाउन सहयोग गर्ने सम्पुर्ण सदस्य तथा शुभचिन्तक र सहयोगीहरु प्रति धन्यवाद दिनुका साथै निरन्तरको लामो सामाजिक यात्रामा प्रत्यक्ष, परोक्ष र अप्रत्यक्ष रुपमा सहकार्य मूलक सहयोग पुर्याउँदै आएकाहरु प्रति कृतज्ञता व्यक्त गरेका छन् ।
कार्यक्रममा गोनपा ४ का वडाअध्यक्ष श्री कुमार श्रेष्ठ, वर्तमान वडासदस्य गौरीमाया श्रेष्ठ, समाजसेवी हरिकृष्ण श्रेष्ठ, भिजन इन्टरनेशनल क्लबका राजकृष्ण श्रेष्ठ, क्लबका सल्लाहकार गोविन्द बहादुर श्रेष्ठलगायतको आातिथ्यता रहेको थियो ।