SamwadKhabar logo

               

विचार

विश्वका हिन्दूहरूको आत्मसम्मान र आत्म गौरवको केन्द्र : राम मन्दिर

Pramila Bhujel

Pramila Bhujel

विश्वका हिन्दूहरूको आत्मसम्मान र आत्म गौरवको केन्द्र : राम मन्दिर
– नारायणप्रसाद ढकाल भगवान् श्रीराम संयम, धैर्यता, नैतिकता, न्याय, सरलता, वीरता, एकात्मकता, विवेक करूणा, शान्ति, वात्सल्य, प्रेम, समानता र पुरुषार्थका प्रतिमूर्ति हुनुहुन्छ । भगवान रामलाई सामाजिक, सांस्कृतिक र राजनीतिक दृष्टिले विश्व पुरुषको रूपमा इतिहासदेखि वर्तमानसम्म सबैले स्वीकार गरेका छन् । सम्पूर्ण विश्वमा सुविचार, स्वस्थ आचरण, नैतिकता, आत्मबोध, अध्यात्मबोध, सत्य मार्गमा हिँड्ने प्रेरणा, विश्व परिवार भावना, करूणा, दया, समभाव, विश्व बन्धुत्व र सद्गुण प्रवृत्तिको विचार प्रवाह गर्ने सनातन हिन्दू जीवन दर्शनका प्रतिक हुनुहुन्छ भगवान् श्रीराम । राम जन्मभूमि अयोध्यामा विश्वभरका सनातनी वैदिक धर्मावम्लवीहरूको आध्यात्मिक केन्द्र दिव्य र भव्य राम मन्दिर निर्माण भएको थियो । जसलाई १६ औँ शताब्दीमा मुगलहरूले कब्जा गरी बाबरी मस्जिदको रूपमा परिणत गरेका थिए । आफ्नो दिव्य भूमिलाई पाउन हिन्दूहरूले ५ सय वर्ष सम्म अनवरत संघर्ष गरे । लाखौं हिन्दूले बलिदान दिए । यसै विषयलाई लिएर हिन्दू लगायतका ओमकार परिवारका सदस्यहरूबाट धेरै संघर्ष भए । विधर्मी आततायिहरूको धेरै दुःख सहनु प¥यो । सन् १९८० पश्चात् विश्व हिन्दू परिषद्को नेतृत्वमा उक्त स्थानमा राम मन्दिर निर्माण गर्ने अभियान चल्यो र उक्त अभियान सन् २०१९ को सुप्रिम कोर्टको आदेशसँगै पूर्णतातिर पुग्यो । यस लगत्तै सन् २०२० को ५ फेब्रुअरीमा मोदी सरकारको नेतृत्वमा राम मन्दिर निर्माणको घोषणा गरियो । भारतीय राष्ट्रपति रामनाथ कोविन्दबाट राम मन्दिर निर्माणका लागि सहयोग राशी प्राप्त भए पश्चात् राजनीतिक व्यक्तित्व, समाजसेवी एवं आम नागरिकबाट सहयोग राशी संकलन भएको थियो । लाखौँको संख्यामा विश्व हिन्दू परिषद्का कार्यकर्ता सहयोग राशी संकलनका लागि परिचालित भएका थिए । संभवत कुनै मन्दिर निर्माणका लागि विश्वभरिका हिन्दूहरूले स्वस्फूर्त रूपमा त्यति ठुलो जनसहभागितामा संकलन भएको इतिहासमै पहिलो हुनुपर्दछ ।

विश्वका हिन्दूहरूको आत्मसम्मान र आत्म गौरवको केन्द्रका रूपमा अयोध्यास्थित राम मन्दिर थियो त्यसलाई विधर्मीहरूले भत्काए, अनेक षडयन्त्र गरे पनि ५ सय वर्षपछि त्यो गौरवपूर्ण धरोहर फेरि भव्य भएर पुर्ननिर्मित भएको छ । यसले विश्वमा हिन्दू जागरणको प्रेरणा दिनेछ ।

५ अगस्ट, २०२० मा भूमि पूजन गरी प्रारम्भ भएको विशाल मन्दिर निर्माण कार्य द्रुत रूपमा अगाडि बढेको छ । भव्य राम मन्दिर निर्माण अन्तिम चरणमा रहेको छ । सन् २०२४ जनवरी २२ मा प्राण-प्रतिष्ठा गरी समुद्घाटन हुने विश्वका हिन्दूहरूको आस्था र श्रद्धाको केन्द्र राम मन्दिरले विश्वका सनातनी हिन्दूहरूको मनलाई एकपटक अयोध्यामा केन्द्रित गराउने छ । विभिन्न कालखण्डमा भएका आक्रमणहरूले सनातन हिन्दूहरूमाथि पु¥याएको घाउलाई पुर्दै पुनः सत्यको जीतको प्रमाण र प्रतीक बनेर राम मन्दिर रहनेछ । भगवान्ले तत्कालीन लङ्काको स्वर्णीम वैभवलाई त्यागेर आफ्नै अयोध्या फकिर्नु भयो । आफ्नो जन्मस्थानलाई, स्वदेशलाई रक्षाका लागि रावणको आतङ्क र दुराचार प्रवृत्तिको अन्त्यका लागि शस्त्र उठाउनु भयो । श्रीराम जातीय उचनिचको विकृति, सामाजिक विकृतिलाई समाप्त गरी सामाजिक समानताको पाठ सिकाउनेवाला हुनुहुन्छ । श्रीरामबाट प्रकृतिको काखमा बसेका हुर्केका आदिवासी, जनजाति समाजलाई राष्ट्रको समृद्धिको मूलधारमा ल्याउने प्रेरणा लिन सकिन्छ । भगवान् श्रीरामले जनजाति समाजलाई आशा, आत्मीयता संचार गर्नुभयो । समाजलाई संगठन सूत्रमा बाँधेर एक विजय शक्ति खडा गरी उनीहरूलाई अधिकार, सम्मान दिलाउन वालि र रावण जस्ता असुर प्रवृत्तिको अन्त्य गर्नुभयो । किस्किन्धादेखि लङ्कासम्मको विशाल साम्राज्यलाई त्याग गरी सन्यासीको रूपमा अयोध्या फर्की सनातन हिन्दू विचार चिन्तनको आदर्श विश्वलाई दिनुभयो । विश्वमा अनेकौं व्यवस्थाहरूमध्ये रामराज्यमा सबैले न्याय पाएको इतिहासदेखि वर्तमानसम्मका सबैले स्वीकार गरेका छन् । तथ्यहरूले पुष्टि पनि गर्दछन् । त्रेतायुगदेखि कलियुगसम्म हजारौँ वर्षको समय पश्चात् पनि श्रीरामजीको सम्पूर्ण चरित्र र कार्यलाई सबैले एक आदर्शको रूपमा लिनु सामान्य विषय होइन, यो निश्चित रूपमा प्रत्यक्ष भगवानकै शासन व्यवस्था थियो भन्ने प्रमाणित हुन्छ । इतिहासको यस महत्वपूर्ण र ऐतिहासिक क्षणमा विश्वको जुनसुकै कुनामा छरिएर बसिरहेका सनातन विचारमा आस्था र विश्वास राख्नेहरू सबैले हर्ष उल्लासका साथ राम मन्दिर उद्घाटनको दिनलाई दिव्य विजय उत्सव मनाउने छन् र हिन्दू समुदायले दिएको बलिदानलाई आत्मसाथ गर्दै, सम्मान गर्दै मनाउनै पर्छ पनि । विश्वका हिन्दूहरूको आत्मसम्मान र आत्म गौरवको केन्द्रका रूपमा अयोध्यास्थित राम मन्दिर थियो त्यसलाई विधर्मीहरूले भत्काए, अनेक षडयन्त्र गरे पनि ५ सय वर्षपछि त्यो गौरवपूर्ण धरोहर फेरि भव्य भएर पुर्ननिर्मित भएको छ । यसले विश्वमा हिन्दू जागरणको प्रेरणा दिनेछ । भगवान् श्रीरामको प्रेरणा र आशिर्वादले मनुष्यहरूलाई सत्कर्ममा लाग्न प्रेरणा, ऊर्जा र शक्ति प्राप्त होस् । यस घटनाक्रमबाट हामी सबै नेपालीलाई आफ्नो धरोहर, संस्कृति, मूल्य र मान्यताको संरक्षण गर्ने प्रेरणा मिलोस् ।

ताजा

सबै

अछाममा छाउगोठमा बसेकी किशोरी बलात्कृत, १७ वर्षीय किशोर पक्राउ

५ असार, काठमाडौं । अछाममा छाउगोठमा बसेकी एक किशोरी बलात्कृत भएकी छन् । अछाम प्रहरी…

संसद भवनभित्र प्रहरी जवान मृत फेला

५ असार, काठमाडौं । संसद भवनको सुरक्षार्थ खटिएका नेपाल प्रहरीका एक जवान संसद भवनभित्…

बेथिति एवं भ्रष्टाचारविरुद्धको अभियानका थप १ जना पक्राउ

४ असार, काठमाडौं । भ्रष्टाचारविरुद्धको अभियन्ताका नाममा ठगी गरेको आरोपमा थप १ जना प…

तिलगंगा क्षेत्रको संरचना हटाउन पशुपति क्षेत्र विकास कोषको सूचना

असार ४, काठमाडौं । पशुपति क्षेत्र विकास कोषले तिलगंगा क्षेत्रका संरचना हटाउने भएको …

लोकप्रिय

सबै

सहकारी घोटालाका आरोपी गोकर्णेश्वर ७ बाट पक्राउ

असार २, काठमाडौं । सहकारी घोटालाका आरोपी गोकर्णेश्वर नगरपालिका ७ बाट पक्राउ परेका …

वेथिति एवं भ्रष्टाचार विरुद्धको अभियन्ताहरु पक्राउ

असार ३, काठमाडौं । वेथिति एवं भ्रष्टाचार विरुद्धको अभियानका अभियन्ताहरु पक्राउ परेका…

बेथिति एवं भ्रष्टाचारविरुद्धको अभियानका थप १ जना पक्राउ

४ असार, काठमाडौं । भ्रष्टाचारविरुद्धको अभियन्ताका नाममा ठगी गरेको आरोपमा थप १ जना प…

गायिका बसन्ती लामाको “खतरा”बोलको गीत सार्वजनिक

असार १, काठमाडौं । गायिका बसन्ती लामाको खतरा बोलको गीत सार्वजनिक भएको छ । खतरा हो…

यो पनि

वसुधैव कुटुम्बकम्

वसुधैव कुटुम्बकम्

कृष श्रेष्ठ असार ३, काठमाडौं । प्राचीन समयमा हिन्दु धर्ममा जातिय विभेद र छुवाछुतको प्…

पर्यावरण संरक्षणमा वटसावित्री पर्वको भूमिका

पर्यावरण संरक्षणमा वटसावित्री पर्वको भूमिका

सन्तोष आचार्य सति सावित्रीको व्रतबाट खुशी भएका यमराजले उनको पतिको ज्यान फिर्ता गरिएको…

पशुपतीको सम्पदा एवं वन संरक्षणको क्षेत्रमा अदालतले गरेको निर्णय स्वागतयोग्य

पशुपतीको सम्पदा एवं वन संरक्षणको क्षेत्रमा अदालतले गरेको निर्णय स्वागतयोग्य

सन्तोष आचार्य सांस्कृतिक सम्पदाहरूको सुरक्षा, प्रवर्धन र प्रसार नै पर्यटन उद्योग विकासको …

भगवान श्रीरामको ४९६ वर्षको कठोर यात्रा

भगवान श्रीरामको ४९६ वर्षको कठोर यात्रा

– सन्तोष आचार्य राम जन्मभूमि अयोध्यामा प्राचिन समय देखि विश्वभरका सनातनी वैदिक धर्मावम्…