साउन १७, काठमाडौं । महोत्तरी जिल्लाको उत्तरी क्षेत्रमा सघन वर्षापछि केही दिन यता चर्को घाम लाग्ने र छिनछिनमा पानी परेको कारण सर्पको बिगबिगी निकै बढेको छ । बर्खायाममा पानीले दुला भरिएपछि सर्पको बिगबिगी बढेको हो । बर्दिवास–३ गौरीडाँडास्थित सर्पदंश उपचार केन्द्रमा अहिले सर्पदंशको उपचार लिन आउनेको संख्या बढिरहेको छ । सर्पदंश उपचार केन्द्र बर्दिवास–३ गौरीडाँडाका अनुसार साउनको मध्यभित्रै सर्पदंशका ५३ घटना उपचारका लागि आएको जानकारी रहेको छ । तीमध्ये विषालु सर्पले टोकेका १५ घटनाको उपचार गरिएको केन्द्रका उपचार प्राविधिक टोलीका नेता इन्द्रबहादुर केसीले बताउनुभयो । केन्द्रमा अहिले चार जना उपचाररत छन् । गत वर्ष पूरै साउनमा ४० सर्पदंशका घटना भएका थिए । यसै साउनको पहिलो सातामा गौरीडाँडामै एक १५ वर्षीय किशोरको सर्पदंशले मृत्यु भएको छ । केन्द्रमा अहिले दिनहुँ उपचारपछि घर फर्कने र उपचार लिन आउने बाक्लै छन् । सर्पदंशका बिरामी उपचार गर्न आएमध्ये अत्यन्त विषालु गोमन र करेतले डसेका १५ जनाको सफल उपचार भएको केन्द्रका अध्यक्ष कृष्ण देवकोटा बताउनु भएको छ । अन्य भने भाइबर ९विष नलाग्ने सर्पको एक प्रजाति०, बिच्छी र खजुराले टोकेको पुष्टि भएको उहाँको भनाइ छ । सर्पदंशका घटनामा ६० प्रतिशत महिला पर्ने गरेका छन् । घाँसपातको काम गर्दा र घरघरै शौचालय नहुँदा अँध्यारोमा दिसापिसाब गर्न बाहिर निस्कँदा मधेशमा सर्पदंशका घटनामा महिला बढी पर्ने गरेको देवकोटाले बताउनुउनुहुन्छ ।