असार २०, काठमाडौँ । जिल्ला युवा समितिले प्रदेश स्वयंसेवक तालिमको आयेजना गरेको छ । सोमबार काठमाडौँमा आयोजना भएको उक्त कार्यक्रममा बागमति प्रदेश सभा सदस्य रमा आले मगरले समाज परिवर्तनको मेरुदण्ड युवालाई मान्नुपर्ने बताएकी छिन् । बागमति प्रदेश उद्योग, पर्यटन तथा वातावरण समितिका सभापति समेत रहेकी आले मगरले देशको युवा उमेर समूहलाई सहि मार्गनिर्देशन गर्न आवश्यक रहेकोले सरकारले युवाको क्षेत्रमा लगानी बढाउनुपर्ने बताएकी छिन् । युवालाई नीति निर्माणदेखि नेतृत्वदायी भूमिकामा ल्याउन राजनीतिक दलहरुले पनि भूमिका खेल्नुपर्ने उनले बताएकी हुन् । बागमति प्रदेश युवा तथा खेलकुद मन्त्रालय अन्र्तगत रहेको युवा परिषदको सहकार्यमा आयोजित कार्यक्रममा नेपाली सेनाका महासेनानी मुनाल बस्नेत, नेपाल रेडक्रसका कार्यकारी निर्देशक उमेश ढकाल, नेपाल पत्रकार महासंघ केन्द्रीय आम सञ्चार तथा प्राज्ञिक विभागका सदस्य कृष्णराज गौतम् नेपाल स्काउटको प्रशिक्षक सन्तोष गिरि अतिथि रहेका थिए ।  काठमाडौँ जिल्ला युवा समितिका अध्यक्ष रुपा थापा मगरको अध्यक्षतामा भएको सो कार्यक्रममा युवाका विभिन्न क्षेत्रबाट प्रतिनिधित्व गरेका ३० जनाको सहभागीता रहेको थियो । ‘सिर्जनशीलता र युवा उद्यमशीलता प्रर्वद्धन बागमतिमाः युवा सशक्तिकरण’ भन्ने नारा सहित युवाको हित युवामैत्री सरकार निर्माणमा पहल कदमी पु¥याउने उद्देश्यसहित कार्यक्रमको आयोजना भएको छ । जिल्लाभित्रका युवाहरुलाई आर्थिक, सामाजिक, उद्यमीशील, स्वास्थ्य एवम् खेलक्षेत्रमा थप सशक्त बनाउन स्वयम्सेवक तालिमकको आयोजना गरिएको युवा समितिका अध्यक्ष रुपा थापाले बताईन् । स्वयम्सेवक तालिममा सहभागी २० जनालाई काठमाडौँ जिल्ला युवा समितिले प्रमाणपत्र प्रदान गरेको थियो ।