बौद्धनाथ क्षेत्र विकास कप प्रथम राष्ट्रिय ब्याटमिन्टन प्रतियोगिता पुष २२ बाट हुँदै
पुष १८, काठमाडौं । स्पोर्ट्स स्पेशल क्लबद्वारा आयोजित श्री बौद्धनाथ क्षेत्र विकास कप प्रथम राष्ट्रिय ब्याटमिन्टन प्रतियोगिता पुष २२, २३ र २४ गते हुने भएको छ । क्लबको आयोजनामा हुने प्रतियोगिताको प्रायोजक श्री बौद्धनाथ क्षेत्र विकास समिति रहेको छ ।
प्रतियोगिता भगवती ब्याडमिन्टन एकेडेमी, शंखडोलमा हुनेछ । प्रतियोगितामा मेन्स डबल, भेट्रान्स डबल, नगर स्तरिय डबल र भगवती क्लब आन्तरिक डबल विधामा हुनेछ ।
मेन्स डबलतर्फ प्रथम पुरस्कार ५० हजार उपविजेतालाई २५ हजार रहेको छ भनें भेट्रान्स डबलतर्फ विजेताले ३० हजार, उपविजेताले १५ हजार पाउने छन् । यसैगरी नगरस्तरीय डबलतर्फ विजेताले २० हजार र उपविजेताले १० हजार र भगवती क्लब आन्तरिक डबलतर्फ विजेताले ८ हजार र उपविजेताले ४ हजार पाउने छन् । विजेताले नगद पुरस्कारका साथमा ट्रफी, मेडल र प्रमाणपत्र प्राप्त गर्ने छन् ।
सहभागि हुन चाहने टिमले २०८० पुष २० गते साँझ ६ः०० बजे सम्म टिम दर्ता गर्नु पर्नेछ । टिम दर्ता शुल्क रु २ हजार लाग्नेछ । प्रतियोगिताको टाई सिट प्रकाशित पुष २१ गते हुनेछ ।
प्रतियोगिताका लागि केही नियम तोकिएको छ । प्रतियोगितामा मेन्स डबलको निम्ती राष्ट्रिय स्तर पुरुष युगल (-याङकीङ २० बाहेक मात्र) तथा भेट्रान्स डबलको लागि ४५ वर्ष पुगेकाले मात्र सहभागी हुन पाउने छन् । यसैगरी प्रोटेस हाल्न २ हजार नगद धरौटी राखी आवश्यक प्रमाण १ घण्टा भित्र जुटाउनु पर्ने छ भनें आवश्यक प्रमाण उपलब्ध नभएमा प्रोटेस लाग्ने छैन ।