जेष्ठ ९ काठमाडौँ । नेपाल राष्ट्रिय क्रिकेट टोलीले आईसीसी विश्वकप लिग–२ अन्तर्गत ओमान र अमेरिकासँग त्रिकोणात्मक सिरिज अघि दुई स्थानीय टोलीसँग अभ्यास खेल खेल्ने भएको छ। नेपाल क्रिकेट संघ ९क्यान०का अनुसार अभ्यास खेल खेल्न नेपाली टोली जेठ १५ ९२९ मे० मा अमेरिका पुग्नेछन् । पूर्व नेपाली खेलाडीको व्यवस्थापनमा नेपालले दुई अभ्यास खेल खेल्न लागेको हो । दुबै अभ्यास खेल ५० ओभरको हुनेछ । नेपालले जेठ १९ मा नेपाली अलस्टार र जेठ २१ मा ह्युस्टन हरिकेन्ससँग अभ्यास खेल खेल्ने छ। नेपाली स्टारमा नेपाली मुलका खेलाडीहरु खेल्दै आएका छन्। नेपालले पहिलो खेल जेठ २६ मा ओमानसँग खेल्दै आईसीसी विश्वकप लिग–२ को सुरुवात गर्नेछ । यस सिरिजपछि ओमानको आइसिसी विश्वकप लिग–२ मा ३६ खेल पूरा हुनेछ । नेपालले हाल १२ खेल खेलेको छ । नेपालको यो विश्वकप लिग २ मा चौथो त्रिकोणात्मक सिरिज हो । विश्व लिग–२ को पूरा खेल नसक्ने सम्भावना उच्च हुँदा विजयी प्रतिशतको आधारमा शीर्ष तीन टोली निर्धारण हुनेछ । विश्वकप लिग–२ मा सहभागी ७ टोलीमा शीर्ष तीन टोलीले आगमी वर्ष हुने एकदिवसिय विश्वकप ग्लोबल छनोट सिधैं खेल्न पाउनेछ । बाँकी चार टोलीले प्ले अफ खेल्नुपर्ने हुन्छ । नेपाली टोलीमा सन्दीप लामिछाने ९कप्तान०, आसिफ शेख ९विकेटकिपर०, कुशल भुर्तेल, रोहित पौडेल, दीपेन्द्रसिंह ऐरी, आरिफ शेख, विनोद भण्डारी (विकेटकिपर), सुनिल धमला, देव खनाल, आदिल अन्सारी, करण केसी, सोमपाल कामी, विक्रम सोब, किशोर महतो र सागर ढकाल नेपाली क्रिकेट खेलाडीहरू रहेका छन् ।