बंगलादेशमा चर्कियो विद्यार्थीहरूको आन्दोलन, मृतकको संख्या २५ पुग्यो
४ असार, काठमाडौं । बंगलादेशमा सरकारी जागिरमा आरक्षणको विरोध गर्दै सुरु भएको आन्दोलनको क्रममा मृत्यु हुनेको संख्या २५ पुगेको छ । प्रधानमन्त्री शेख हसिनाले बुधवार राष्ट्रको नाममा सम्बोधन गरेपश्चात आन्दोलन झन बढी चर्किएर कयौं स्थानहरुमा आगजनी र तोडफोडका कारणले मृत्यु हुनेको संख्या २५ पुगेको हो ।
आन्दोलनमा सयौं घाइते भएका छन् । आन्दोलनमा विरोधले हिंसाको रुप लिएपछि इन्टरनेट सेवासमेत बन्द गरिएको छ । ठाउँ–ठाउँमा प्रहरीसँग झडप भएको छ । स्कुल कलेजहरु अनिश्चितकालीन बन्द छन् ।
प्रदर्शनकारीहरुले सरकारी नोकरीमा आरक्षण हटाउन माग गर्दै आएका छन् । बुधवार प्रधानमन्त्री शेख हसिनाले प्रदर्शनकारीलाई संयमित हुन आह्वान गरेकी थिइन् । उनले प्रदर्शनकारीको उचित माग सम्बोधन गर्ने आश्वासन दिँदै सार्वजनिक सम्पत्तिमा क्षति पु¥याउनेहरुलाई कारबाहीको दायरामा ल्याउने चेतावनी दिएकी थिइन् ।
उनीहरुले बिहीवार बंगलादेश बन्द आह्वान गरेका थिए । बिहीवार राति विभिन्न ठाउँमा हिंस्रक प्रदर्शन पनि भएको बीबीसीले जनाएको छ ।
सन् १९७१ मा पाकिस्तानविरुद्ध मुक्तियुद्ध लडेका सैनिकका छोराछोरीहरुलाई आरक्षणको व्यवस्था खारेज गर्न माग गर्दै केही दिन अगाडि विश्वविद्यालयका विद्यार्थीहरुले विरोध सुरु गरेका थिए ।